- പ്രതിപക്ഷ നേതാവ് ഉദ്ഘാടനം ചെയ്തു
എറണാകുളം ജില്ലാ പഞ്ചായത്ത്‌ 1.20 കോടി രൂപ ചെലവഴിച്ച് നേര്യമംഗലം ജില്ലാ കൃഷിത്തോട്ടത്തിൽ നിർമ്മിച്ച റസ്റ്റാെറൻ്റ് മന്ദിരം പ്രതിപക്ഷ നേതാവ് വി.ഡി സതീശൻ ഉദ്ഘാടനം ചെയ്തു. കാർഷിക മേഖലയുടെയും കർഷകരുടെയും സമഗ്ര വികസനം ലക്ഷ്യമിട്ട് ജില്ലാ പഞ്ചായത്ത്‌ നടപ്പിലാക്കുന്ന പദ്ധതികൾ മാതൃകാപരമാണെന്ന് ഉദ്ഘാടന ചടങ്ങിൽ പ്രതിപക്ഷ നേതാവ് പറഞ്ഞു.
സംസ്ഥാനത്തെ ഏറ്റവും മികച്ച ഫാമുകളിലൊന്നായ നേര്യമംഗലം ജില്ലാ കൃഷിത്തോട്ടത്തിൽ ജില്ലാ പഞ്ചായത്തിന്റെ നേതൃത്വത്തിൽ നൂതന പദ്ധതികളാണ് നടപ്പിലാക്കുന്നത്. ഇത്തരം പദ്ധതികൾ ഫാമിന്റെ വളർച്ചക്ക് ഏറെ സഹായകരമാകുമെന്നും അദ്ദേഹം പറഞ്ഞു.
ഉദ്ഘാടന ചടങ്ങിൽ ആന്റണി ജോൺ എം.എൽ.എ അധ്യക്ഷനായി. ഡീൻ കുര്യാക്കോസ് എം.പി മുഖ്യ പ്രഭാഷണം നടത്തി. ജില്ലാ പഞ്ചായത്ത്‌ പ്രസിഡന്റ് മനോജ്‌ മൂത്തേടൻ, ജില്ലാ പഞ്ചായത്ത്‌ വൈസ് പ്രസിഡന്റ് എൽസി ജോർജ്,കോതമംഗലം ബ്ലോക്ക്‌ പഞ്ചായത്ത്‌ പ്രസിഡന്റ് പി.എ.എം ബഷീർ, കവളങ്ങാട് ഗ്രാമ പഞ്ചായത്ത്‌ പ്രസിഡന്റ് (ഇൻചാർജ്) ടി.എച്ച് നൗഷാദ്, ജില്ലാ പഞ്ചായത്ത്‌ അംഗങ്ങളായ സനിതാ റഹിം, കെ.കെ ദാനി, ഉല്ലാസ് തോമസ്, റാണിക്കുട്ടി ജോർജ്, ശാരദ മോഹൻ, ഷൈമി വർഗീസ്, ലിസി അലക്സ്‌, അനിമോൾ ബേബി, വാരപ്പെട്ടി ഗ്രാമപഞ്ചായത്ത് പ്രസിഡന്റ് പി.കെ ചന്ദ്രശേഖരൻ നായർ, പിണ്ടിമന ഗ്രാമപഞ്ചായത്ത് പ്രസിഡന്റ് ജെസി സാജു , ബ്ലോക്ക്‌ പഞ്ചായത്ത്‌ അംഗം പി.എം കണ്ണൻ, കൃഷി വകുപ്പ് അഡീഷ്ണൽ ഡയറക്ടർ തോമസ് സാമുവൽ, പ്രിൻസിപ്പൽ കൃഷി ഓഫീസർ ഇന്ദു നായർ, ഫാം സൂപ്രണ്ട് ജാസ്മിൻ തോമസ്, ഫാം കൗൺസിൽ അംഗങ്ങളായ പി.എം ശിവൻ, കെ.പി വിജയൻ, എം.വി യാക്കോബ്, ഗ്രാമപഞ്ചായത്ത് അംഗങ്ങളായ സൈജന്റ് ചാക്കോ, ജിംസിയ ബിജു, വിവിധ രാഷ്ട്രീയ-സംഘടന പ്രതിനിധികളായ ഷിബു തെക്കുംപുറം, ബാബു ഏലിയാസ്, കെ.പി ബാബു, കെ.ഇ ജോയി, ഷമീർ പനക്കൽ, ബിജു പുള്ളിയിൽ തുടങ്ങിയവർ ചടങ്ങിൽ പങ്കെടുത്തു.
