എറണാകുളം ജില്ലാ പഞ്ചായത്തിന്റെ 2025- 2026 വാർഷിക പദ്ധതിയുടെ ഭാഗമായി 108 വായനശാലകൾക്ക് ലാപ്പ്ടോപ്പ് , പ്രൊജക്ടർ ,സൗണ്ട് സിസ്റ്റം എന്നിവ വിതരണം ചെയ്തു.34 ലക്ഷം രൂപ ചെലവഴിച്ചാണ് പദ്ധതി നടപ്പിലാക്കിയത്.
ജില്ലാ പഞ്ചായത്ത് പ്രിയദർശിനി ഹാളിൽ നടന്ന ചടങ്ങിൽ ബെന്നി ബെഹന്നാൻ എം പി ഉപകരണങ്ങളുടെ വിതരണം നിർവഹിച്ചു. ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ അധ്യക്ഷനായി.
ജില്ലാ കളക്ടർ ജി പ്രിയങ്ക, സംസ്ഥാന ഗ്രന്ഥശാല കൗൺസിൽ പ്രസിഡന്റ് ഡോ. കെ വി കുഞ്ഞികൃഷ്ണൻ, ജില്ലാ പഞ്ചായത്ത് വൈസ് പ്രസിഡന്റ് എൽസി ജോർജ് , സ്ഥിരം സമിതി അധ്യക്ഷരായ എം ജെ ജോമി, കെ ജി ഡോണോ , ആശ സനിൽ, സനിത റഹീം ,ജില്ലാ പഞ്ചായത്ത് അംഗങ്ങളായ ഉല്ലാസ് തോമസ്, എ എസ് അനിൽകുമാർ , ശാരദ മോഹൻ, കെ വി രവീന്ദ്രൻ , ഷാരോൺ പനക്കൽ , റാണിക്കുട്ടി ജോർജ് , കെ കെ ദാനി, ലിസി അലക്സ് , അനിമോൾ ബേബി, റഷീദ സലീം, ഷൈമി വർഗീസ്, എം ബി ഷൈനി, പി എം നാസർ, എൽദോ ടോം പോൾ , കെ വി അനിത, റൈജ അമീർ ,കെ ആർ ഉമാ മഹേശ്വരി , ജില്ലാ പഞ്ചായത്ത് സെക്രട്ടറി പി എം ഷെഫീക്ക് എന്നിവർ സംസാരിച്ചു.
