യുഎസ് പ്രസിഡന്റ് ഡൊണാള്‍ഡ് ട്രംപും റഷ്യന്‍ പ്രസിഡന്റ് വ്ലാഡിമിർ പുടിനും തമ്മിലുള്ള നിര്‍ണായക കൂടിക്കാഴ്ച അവസാനിച്ചു. അലാസ്കയിൽ നടന്ന കൂടിക്കാഴ്ച മൂന്നു മണിക്കൂറോളമാണ് നീണ്ടുനിന്നത്. ചർച്ചയിൽ റഷ്യ-യുക്രെയ്ൻ വെടിനിർത്തൽ കരാറിൽ ധാരണയായില്ല. അന്തിമ കരാറിലെത്താനായില്ലെങ്കിലും ചര്‍ച്ചയില്‍ നല്ല പുരോഗതിയുണ്ടെന്ന് ഇരുനേതാക്കളും സംയുക്ത വാര്‍ത്താ സമ്മേളനത്തിൽ അറിയിച്ചു.
2021-ൽ യുക്രെയ്ൻ യുദ്ധം ആരംഭിച്ചതിന് ശേഷം ഇതാദ്യമായാണ് അമേരിക്കൻ പ്രസിഡന്റുമായി റഷ്യൻ പ്രസിഡന്റ് കൂടിക്കാഴ്ച നടത്തുന്നത്. നിലവിൽ യുക്രെയ്നിന്റെ 19 ശതമാനം പ്രദേശവും റഷ്യയുടെ കൈവശമാണ്.
ശനിയാഴ്ച പുലർച്ചെ അലാസ്കയിൽ റഷ്യയുടെ വ്‌ളാഡിമിർ പുടിനുമായുള്ള ഉച്ചകോടിക്ക് ശേഷം യുഎസ് പ്രസിഡന്റ് ഡൊണാൾഡ് ട്രംപ് തന്റെ ഉക്രേനിയൻ പ്രസിഡന്റ് വോളോഡിമിർ സെലെൻസ്‌കിയുമായി സംസാരിച്ചു. പുടിനുമായുള്ള മൂന്ന് മണിക്കൂർ നീണ്ട കൂടിക്കാഴ്ചയിൽ റഷ്യ-ഉക്രെയ്ൻ യുദ്ധം അവസാനിപ്പിക്കുന്നതിനുള്ള ഒരു കരാറിലെത്താൻ കഴിയാത്തതിനെത്തുടർന്ന് ട്രംപ് നാറ്റോ നേതാക്കളുമായും സംസാരിച്ചു.
ഉച്ചകോടിക്ക് ശേഷം ട്രംപ് പത്രസമ്മേളനത്തിൽപറഞ്ഞത് “ഒരു കരാർ ഉണ്ടാകുന്നതുവരെ ഒരു കരാറുമില്ല” എന്നാണ് .അതേസമയം ഉക്രെയ്‌നിനെക്കുറിച്ച് താനും ട്രംപും ഒരു “ധാരണ”യിലെത്തിയെന്ന് പുടിൻ പറഞ്ഞു, “പുതിയ പുരോഗതിയെ തകർക്കരുതെന്ന്” യൂറോപ്പിന് പുടിൻ മുന്നറിയിപ്പ് നൽകി.
മാധ്യമപ്രവർത്തകർ കൂടുതൽ ചോദ്യങ്ങൾ ഉന്നയിച്ചതോടെ ചോദ്യങ്ങൾക്ക് ഉത്തരം നൽകാതെ രണ്ട് നേതാക്കളും മുറി വിട്ടുപോയി.
