നിങ്ങൾ അറിയാതെ ബാങ്ക് അക്കൗണ്ടിൽ നിന്ന് പണം നഷ്ടപ്പെട്ടാൽ ബാങ്കിന് ഉത്തരവാദിത്വം ഉണ്ടോ ? 2017 ജൂലൈ 6 ന് റിസർവ് ബാങ്ക് ഇക്കാര്യങ്ങൾ വ്യക്തമാക്കി വിശദമായ സർക്കുലർ പുറപ്പെടുവിച്ചിരുന്നു .
സംശയകരമായ പണമിടപാടുകൾ തന്റെ അക്കൗണ്ടിൽ ഉണ്ടാവുകയാണെങ്കിൽ ഉപഭോക്താക്കൾക്ക് 24 മണിക്കൂറും ബന്ധപ്പെടുവാൻ വേണ്ടി ബാങ്കിന്റെ Website, Phone banking, SMS, e-mail, IVR, dedicated toll-free helpline reporting to home ബ്രാഞ്ച് എന്നിവ ഉണ്ടായിരിക്കണമെന്ന് RBI നിഷ്കർഷിച്ചിട്ടുണ്ട്. അക്കൗണ്ടിൽ നിന്ന് പണം നഷ്ടപ്പെട്ടാൽ ഇത്തരം സംവിധാനങ്ങളിലേക്ക് പരാതി അയക്കുക. അയച്ചു കഴിഞ്ഞാൽ വീണ്ടും പണം നഷ്ടപ്പെടാതെ നോക്കേണ്ടത് ബാങ്കിന്റെ ഉത്തരവാദിത്തമാണ്.
ബാങ്കിന്റെ ഭാഗത്തുനിന്ന് ഉണ്ടാകുന്ന ശ്രദ്ധക്കുറവ് നിമിത്തം നിങ്ങൾക്ക് പണ നഷ്ടം ഉണ്ടാവുകയാണെങ്കിൽ ബാങ്കിനായിരിക്കും ഉത്തരവാദിത്വം.
ബാങ്കോ, നിങ്ങളോ നേരിട്ട് ഇടപെടാതെ മൂന്നാം കക്ഷിയുടെ ഇടപെടൽ മൂലം പണം നഷ്ടപ്പെടുകയും ഇക്കാര്യം ബാങ്കിനെ മൂന്നു ദിവസത്തിനുള്ളിൽ അറിയിക്കുകയും ചെയ്തിട്ടുണ്ടെങ്കിൽ ബാങ്കിന് ഉത്തരവാദിത്തത്തിൽ നിന്ന് ഒഴിഞ്ഞുമാറുവാൻ സാധിക്കില്ല.
ഉപഭോക്താവിന്റെ ശ്രദ്ധക്കുറവ് മൂലം ഒടിപി, പിൻ മുതലായ കാര്യങ്ങൾ തട്ടിപ്പ് സംഘത്തെ അറിയിക്കുന്നു. അതിനു ശേഷം പണം നഷ്ടപ്പെട്ട കാര്യം ബാങ്കിനെ അറിയിക്കുകയും വീണ്ടും പണം നഷ്ടപ്പെടുകയും ചെയ്താൽ ബാങ്കിനായിരിക്കും ഉത്തരവാദിത്വം.
കസ്റ്റമർ അറിയാതെ തട്ടിപ്പ് സംഘം തട്ടിയെടുക്കുന്ന പണം, പരാതി ലഭിച്ചതിന് ശേഷം പത്ത് ദിവസത്തിനുള്ളിൽ തന്നെ ബാങ്ക് കസ്റ്റമറുടെ അക്കൗണ്ടിൽ ക്രെഡിറ്റ് ചെയ്യേണ്ടതാണ്.
എങ്ങനെയൊക്കെ ആയാലും മേൽ വിഷയങ്ങളിൽ പരാതി ലഭിച്ചാൽ 90 ദിവസത്തിനുള്ളിൽ പരാതി പരിഹരിക്കുവാനുള്ള നിയമപരമായ ഉത്തരവാദിത്വം ബാങ്കിനുണ്ട്.
എപ്പോഴും എല്ലാ പരാതിയും രേഖാമൂലം കൊടുക്കുവാൻ ശ്രദ്ധിക്കുക. ഫോൺ വഴി വേണ്ട. തീർച്ചയായും പരിഹാര നടപടികൾ ഉണ്ടാകും..ഇല്ലെങ്കിൽ ഉപഭോക്ത കോടതിയെ സമീപിക്കാവുന്നതാണ്.
(തയ്യാറാക്കിയത് ;Adv. K. B Mohanan 9847445075)
