ഒരിടവേളക്കുശേഷം മൂന്നാര് വീണ്ടും അതിശൈത്യത്തിലേക്ക്. ചെണ്ടുവരയില് വ്യാഴാഴ്ച പുലര്ച്ചെ കുറഞ്ഞ താപനിലയായ ഒരു ഡിഗ്രി സെല്ഷ്യസ് രേഖപ്പെടുത്തി. സൈലന്റ് വാലി, നല്ലതണ്ണി എന്നിവിടങ്ങളിലും കടുത്ത തണുപ്പ് അനുഭവപ്പെട്ടു. മൂന്ന് ഡിഗ്രി സെല്ഷ്യസ് ആണ് ഈ പ്രദേശങ്ങളിൽ രേഖപ്പെടുത്തിയ താപനില.
ഈ വർഷത്തെ (ജനുവരിയിലെ) ഏറ്റവും തണുപ്പ് കൂടിയ ദിവസങ്ങളിലൊന്നായിരുന്നു ഇന്ന്(23-01-2026). മഴ പിൻവാങ്ങിയപ്പോൾ കേരളത്തിൽ തണുപ്പ് വീണ്ടും സജീവമായിരിക്കുകയാണ്. ഈ തണുപ്പ് ശനിയാഴ്ച വരെ തുടരാനാണ് സാധ്യത .
താപനില താഴ്ന്നതോടെ പ്രദേശത്തെ പുല്മേടുകളില് വ്യാപകമായി മഞ്ഞുപാളികള് രൂപപ്പെട്ടു. സീസണിലെ ഏറ്റവും കുറഞ്ഞ താപനിലയായ മൈനസ് ഒരു ഡിഗ്രി സെല്ഷ്യസ് ചെണ്ടുവരയില് ഡിസംബര് 13-ന് രേഖപ്പെടുത്തിയിരുന്നു.
അതിനുശേഷം താപനില ക്രമേണ വര്ധിച്ചിരുന്നു. വ്യാഴാഴ്ച പുലര്ച്ചയോടെയാണ് ഒരു ഡിഗ്രിയിലേക്ക് താഴ്ന്നത്. വരുംദിവസങ്ങളില് താപനില വീണ്ടും കുറയുമെന്നാണ് സൂചന.
