പ്രധാനമന്ത്രി നരേന്ദ്ര മോദിയെ ആവർത്തിച്ച് പ്രശംസിച്ചതിന് കോൺഗ്രസ് നേതാവും പാർട്ടി വർക്കിംഗ് കമ്മിറ്റിയംഗവും എംപിയുമായ ശശി തരൂരിനെതിരെ കോൺഗ്രസ് അധ്യക്ഷൻ മല്ലികാർജുൻ ഖാർഗെ രൂക്ഷ വിമർശനം ഉന്നയിച്ചതിന് തൊട്ടുപിന്നാലെ,തരൂർ പങ്കുവെച്ച പോസ്റ്റ് ശ്രദ്ധേയമാകുന്നു.
‘പറക്കാൻ അനുവാദം ചോദിക്കരുത്. ചിറകുകൾ നിങ്ങളുടേതാണ്, ആകാശം ആരുടേതുമല്ല’ എന്നാണ് തരൂർ എക്‌സിൽ പങ്കുവെച്ച ഉദ്ധരണി. മറ്റുള്ളവരുടെ അംഗീകാരം തേടാതെ വ്യക്തികൾ എപ്പോഴും അവരുടെ ലക്ഷ്യങ്ങൾ പിന്തുടരാൻ പ്രോത്സാഹിപ്പിക്കപ്പെടണം എന്നാണ് ഇതിനർത്ഥം. അതിനാൽ, കോൺഗ്രസ് തന്നെ ആവർത്തിച്ച് ലക്ഷ്യം വച്ചതിന് നേരെയുള്ള സൂക്ഷ്മവും മറഞ്ഞിരിക്കുന്നതുമായ ഒരു കുഴിയെടുക്കലിനെയാണ് ഈ ഉദ്ധരണി സൂചിപ്പിക്കുന്നത്.
ഇന്ത്യയുടെ ഓപ്പറേഷൻ സിന്ദൂരിനായുള്ള വിദേശ സർവകക്ഷി സംഘത്തെ നയിച്ച തരൂരിനെ, ഇന്ന് രാവിലെ, ഖാർഗെ വിമർശിച്ചു. പ്രധാനമന്ത്രി മോദിയെ “ഇന്ത്യയുടെ പ്രധാന ആസ്തി” എന്ന് വിശേഷിപ്പിച്ചതിനും “ചിലർക്ക് മോദിയാണ് ആദ്യം വേണ്ടത്” എന്നും ഖാർഗെ പറഞ്ഞു.
അതോടെ ശശി തരൂരും കോണ്‍ഗ്രസും തമ്മിലുള്ള ബന്ധം കൂടുതല്‍ വഷളാകുകയാണ് . തരൂരിന്റെ മോദി പ്രശംസയെ വിമര്‍ശിച്ച് കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖാര്‍ഗെ തന്നെ രംഗത്തെത്തിയതോടെ പാർട്ടി അച്ചടക്ക നടപടിക്ക് തരൂർ വിധേയനാവും . കോൺഗ്രസിനു ശശി തരൂരിനെ തള്ളാനും കൊള്ളാനും വയ്യാത്ത നിലയിലാണ് .ശശി തരൂർ കോൺഗ്രസിനെ വെള്ളം കുടിപ്പിക്കുകയാണ്‌ .തരൂർ കോൺഗ്രസിൽ നിന്നും രാജിവെക്കുന്നില്ല കോൺഗ്രസ് അദ്ദേഹത്തെ പുറത്താക്കുന്നുമില്ല.ഇത് എത്രനാൾ പോകുമെന്ന് ആർക്കും നിശ്ചയമില്ല .കോൺഗ്രസ് പുറത്താക്കിയാൽ അദ്ദേഹത്തെ ബിജെപി സ്വീകരിക്കാനാണ് സാധ്യത .പുതിയ പാർട്ടി അദ്ദേഹം രൂപീകരിക്കില്ല.
ചിലര്‍ക്ക് മോദിയാണ് വലുതെന്നും അവരെ സംബന്ധിച്ചിടത്തോളം രാജ്യം രണ്ടാമതാണ് എന്നുമുള്ള ഖാര്‍ഗെയുടെ പരാമര്‍ശം ശശി തരൂരിനെ ഉന്നം വച്ചാണെന്ന ചര്‍ച്ചകള്‍ക്കിടെയാണ് രംഗം കൊഴുപ്പിച്ച് ശശി തരൂരും രംഗത്തെത്തിയത്.ഒരാഴ്ചക്കകം ശശി തരൂരിനെ പാർട്ടിയിൽ നിന്നും പുറത്താക്കാൻ സാധ്യതയുണ്ടെന്നാണ് പ്രചാരണം .ഇല്ലെങ്കിൽ പാർട്ടിയിലെ അച്ചടക്കത്തിനു വെല്ലുവിളിയാവും.
