ഇന്ന് ഫെബ്രുവരി 14 പ്രണയ ദിനം. റോസാപ്പൂക്കളും ചോക്ലേറ്റും സമ്മാനപ്പൊതികളുമായി പ്രണയം പങ്കുവെയ്ക്കാനും ആഘോഷിക്കാനുമുള്ള ദിനമാണ് വാലൻ്റൈൻസ് ഡേ പ്രണയമോ പങ്കാളികളോ ഇല്ലാത്ത സിംഗിളായി ജീവിക്കുന്ന ആളുകൾ ഈ ദിനം അനുയോജ്യമല്ല .
എല്ലാ വർഷവും ഫെബ്രുവരി 14-നാണ് ലോകത്തിന്റെ വിവിധയിടങ്ങളിൽ വാലൻന്റൈൻ ദിനം അല്ലെങ്കിൽ പ്രണയ ദിനം ആഘോഷിക്കുന്നത്. പരസ്പരം സ്നേഹിക്കുന്നവരുടെ ദിനമാണ് വാലൻന്റൈൻ ദിനം.
ലോകമെമ്പാടുമുള്ള ആളുകൾ തങ്ങൾ സ്നേഹിക്കുന്നവർക്ക് ഈ ദിനത്തിൽ സമ്മാനങ്ങൾ കൈമാറുകയും, ഇഷ്ടം അറിയിക്കുകയും, ആഘോഷിക്കുകയും ചെയ്യുന്നു. അതിനാൽ അന്താരാഷ്ട്ര പ്രണയദിനമായി ആചരിക്കപ്പെടുന്നു. ഇത് മതപരമായ ഒരു ചടങ്ങ് അല്ല.
ഫെബ്രുവരി 14 ആണ് പ്രണയ ദിവസമെങ്കിലും ആഘോഷങ്ങൾ ഒരാഴ്ച മുൻപ് ഫെബ്രുവരി 7 മുതൽ ആരംഭിക്കുന്നു. ഫെബ്രുവരി 7 മുതൽ 14 വരെയുള്ള ഓരോ ദിവസത്തിനും ഓരോ പ്രത്യേകതയുണ്ട്. പ്രണയികൾ മാത്രമല്ല, ദമ്പതികളും ഇത് സവിശേഷമായ രീതിയിൽ ആഘോഷിക്കുന്നു. പുതുവസ്ത്രങ്ങൾ ധരിച്ചോ, പങ്കാളികൾ ഒരുമിച്ചു വിനോദ യാത്രകൾ നടത്തിയോ, ഒരുമിച്ചു ഭക്ഷണം കഴിച്ചും അല്ലെങ്കിൽ കാൻഡിൽ ലൈറ്റ് ഡിന്നർ തുടങ്ങിയവ വാലൻടൈൻ ദിനാഘോഷത്തിന്റെ ഭാഗമായി കാണപ്പെടുന്നു. വിനോദ സഞ്ചാരകേന്ദ്രങ്ങളിലും ഭക്ഷണശാലകളിലും ഇതൊടനുബന്ധിച്ചു പ്രത്യേക പരിപാടികൾ നടത്തപ്പെടുന്നു.
ക്ലോഡിയസ് ചക്രവർത്തി റോം ഭരിച്ചിരുന്ന കാലത്ത് വാലൻന്റൈൻ എന്നൊരാളായിരുന്നു കത്തോലിക്ക സഭയുടെ ബിഷപ്പ്. വിവാഹം കഴിഞ്ഞാൽ പുരുഷന്മാർക്ക് കുടുംബം എന്നൊരു ചിന്ത മാത്രമേയുള്ളൂ എന്നും യുദ്ധത്തിൽ ഒരു വീര്യവും അവർ കാണിക്കുന്നില്ല എന്നും ചക്രവർത്തിക്ക് തോന്നി. അതിനാൽ ചക്രവർത്തി റോമിൽ വിവാഹം നിരോധിച്ചു. പക്ഷേ, ബിഷപ്പ് വാലൻന്റൈൻ പരസ്പരം സ്നേഹിക്കുന്നവരെ മനസ്സിലാക്കി അവരുടെ വിവാഹം രഹസ്യമായി നടത്തിക്കൊടുക്കാൻ തുടങ്ങി.
വിവരം അറിയാനിടയായ ക്ലോഡിയസ് ചക്രവർത്തി വാലൻന്റൈനെ ജയിലിൽ അടച്ചു. ബിഷപ്പ് വാലൻന്റൈൻ ജയിലറുടെ അന്ധയായ മകളുമായി സ്നേഹത്തിൽ ആയി. അതോടെ ആ പെൺകുട്ടിക്ക് കാഴ്ചശക്തി ലഭിച്ചു എന്ന് പറയപ്പെടുന്നു. അതറിഞ്ഞ ചക്രവർത്തി വാലന്റൈന്റെ തല വെട്ടാൻ ആജ്ഞ നൽകി. തലവെട്ടാൻ കൊണ്ടുപോകുന്നതിന് മുൻപ് വാലൻന്റൈൻ ആ പെൺകുട്ടിക്ക് “ഫ്രം യുവർ വാലൻന്റൈൻ” എന്നെഴുതിയ ഒരു കുറിപ്പ് വെച്ചു. അതിനു ശേഷമാണ് ബിഷപ്പ് വാലൻന്റൈന്റെ ഓർമ്മയ്ക്കായി ഫെബ്രുവരി 14 ന് വാലൻന്റൈൻ ദിനം ആഘോഷിക്കാൻ തുടങ്ങിയത് .
