ശബരിമല സ്വര്ണക്കൊള്ള കേസില് യുഡിഎഫ് കണ്വീനറും ആറ്റിങ്ങല് എംപിയുമായ അടൂര് പ്രകാശിനെ എസ്ഐടി ചോദ്യം ചെയ്യും . നോട്ടീസ് നല്കി വിളിച്ചുവരുത്തി എസ്ഐടി ഓഫീസില് വെച്ചാണ് അടൂര് പ്രകാശിന്റെ മൊഴി രേഖപ്പെടുത്തുക . ശബരിമല സ്വര്ണക്കൊള്ള കേസിലെ മുഖ്യപ്രതിയായ ഉണ്ണികൃഷ്ണന് പോറ്റിയുമായുള്ള അടൂര് പ്രകാശിന്റെ ബന്ധം അറിയുന്നതിന് വേണ്ടിയാണ് ചോദ്യം ചെയ്യല്.
കേസില് അന്വേഷണം അന്തിമഘട്ടത്തിലേക്ക് നീങ്ങുന്നതിനിടെയാണ് എസ്ഐടിയുടെ നിര്ണായക നീക്കം. ഉണ്ണികൃഷ്ണന് പോറ്റിയ്ക്കൊപ്പമുള്ള അടൂര് പ്രകാശിന്റെ ചിത്രങ്ങള് പുറത്തുവന്നിരുന്നു. ഈ പശ്ചാത്തലത്തിലാണ് ചോദ്യം ചെയ്യല്. ഉണ്ണികൃഷ്ണന് പോറ്റിയുമായുള്ള ബന്ധമെന്ത്?, സാമ്പത്തിക ഇടപാടുകള് നടന്നിട്ടുണ്ടോ? എന്നിവ അറിയുന്നതിന് വേണ്ടിയാണ് അടൂര്പ്രകാശിനെ എസ്ഐടി ചോദ്യം ചെയ്യുന്നത്.
പുറത്തുവന്ന ഫോട്ടോകളില് വ്യക്തത തേടിയാണ് എസ്ഐടി അടൂര്പ്രകാശിനെ ചോദ്യം ചെയ്യുന്നത്. ബംഗളൂരുവില് വച്ച് ബെല്ലാരിയിലെ സ്വര്ണവ്യാപാരിയുമായുള്ള അടൂര് പ്രകാശിന്റെ കൂടിക്കാഴ്ചയുടെ ചിത്രവും പുറത്തുവന്നിരുന്നു. കോണ്ഗ്രസ് നേതാവ് സോണിയ ഗാന്ധിയും ഉണ്ണികൃഷ്ണന് പോറ്റിയുമായുള്ള കൂടിക്കാഴ്ചയിലും അടൂര് പ്രകാശിന്റെ സാന്നിധ്യം ഉണ്ടായിരുന്നു. ഇതിലെല്ലാം വ്യക്തത തേടാനുള്ള ശ്രമത്തിലാണ് എസ്ഐടി. അതേസമയം മണ്ഡലത്തിലെ വോട്ടര് എന്ന നിലയിലും ശബരിമലയിലെ സ്പോണ്സര് എന്ന നിലയിലും മാത്രമാണ് ഉണ്ണികൃഷ്ണന് പോറ്റിയുമായി ബന്ധമുള്ളതെന്നാണ് അടൂര് പ്രകാശിന്റെ വിശദീകരണം.
