നൂറ്റാണ്ടുകള് പഴക്കമുള്ള ബദരീനാഥ്, കേദാര്നാഥ് ക്ഷേത്രത്തിലേക്കുള്ള പ്രവേശനം ഹിന്ദുക്കള്ക്ക് മാത്രമായി പരിമിതിപ്പെടുത്തി.ചതുര്ധാം യാത്രയുടെ ഭാഗമായ ഈ രണ്ടുക്ഷേത്രങ്ങളിലും ഹിന്ദു ഇതര മതസ്ഥര്ക്ക് പ്രവേശന വിലക്ക് ഏര്പ്പെടുത്തുമെന്ന് ക്ഷേത്ര ഭരണസമിതി അറിയിച്ചു.ഹിമാലയ സാനുക്കളില് സ്ഥിതി ചെയ്യുന്നതാണ് ഈ ക്ഷേത്രങ്ങൾ.
ബദരീനാഥ്-കേദാര്നാഥ് ധാം ഉള്പ്പെടെ ബദരീനാഥ്-കേദാര്നാഥ് ക്ഷേത്ര കമ്മിറ്റി നിയന്ത്രിക്കുന്ന എല്ലാ ക്ഷേത്രങ്ങള്ക്കും ഈ നിയമം ബാധകമാണ്. ക്ഷേത്ര സമിതിയുടെ കീഴിലുള്ള എല്ലാ ക്ഷേത്രങ്ങളിലും അഹിന്ദുക്കള്ക്ക് പ്രവേശനം നിരോധിക്കുമെന്ന് ബികെടിസി പ്രസിഡന്റ് ഹേമന്ത് ദ്വിവേദി പറഞ്ഞു.
ബദരീനാഥ്
ഇതുസംബന്ധിച്ച നിര്ദ്ദേശം വരാനിരിക്കുന്ന ക്ഷേത്ര കമ്മിറ്റി ബോര്ഡ് യോഗത്തില് അംഗീകരിക്കും. ആറ് മാസത്തെ ശീതകാല അവധിക്ക് ശേഷം ഏപ്രില് 23-ന് ബദരീനാഥ് ക്ഷേത്രത്തിന്റെ നട തുറക്കും. കേദാര്നാഥ് ക്ഷേത്രത്തിന്റെ നട തുറക്കുന്ന തീയതി ശിവരാത്രി ദിനത്തില് പ്രഖ്യാപിക്കും.കേദാര്നാഥും ബദരീനാഥും കൂടാതെ ഗംഗോത്രി, യമുനോത്രി എന്നിവയാണ് ചാര് ധാമിലെ മറ്റ് രണ്ട് ക്ഷേത്രങ്ങള്. ഇവയുടെ നടകള് അക്ഷയതൃതീയ പ്രമാണിച്ച് ഏപ്രില് 19-ന് തുറക്കും
കേദാര്നാഥ്
