തിരുവനന്തപുരം കോർപ്പറേഷനിലേക്ക് സിനിമാ- സീരിയൽ താരം പൂജപ്പുര രാധാകൃഷ്ണൻ സ്ഥാനാർഥി . ജഗതി വാർഡിൽ നിന്ന് എൽഡിഎഫ് സ്ഥാനാർത്ഥിയായാണ് രാധാകൃഷ്ണൻ മത്സരിക്കുക. കേരള കോൺഗ്രസ് (ബി) ജില്ലാ പ്രസിഡൻ്റാണ് പൂജപ്പുര രാധാകൃഷ്ണൻ. പാർട്ടി ചെയർമാനും മന്ത്രിയുമായ കെ ബി ഗണേഷ് കുമാറാണ് രാധാകൃഷ്ണൻ്റെ സ്ഥാനാർത്ഥിത്വം പ്രഖ്യാപിച്ചത്.
തിരുവനന്തപുരം കോർപറേഷനിലെ സിപിഎം സ്ഥാനാർത്ഥികളെ ഇന്ന് പ്രഖ്യാപിക്കും. മേയർ സ്ഥാനാർത്ഥിയായി പരിഗണിക്കുന്ന എസ് പി ദീപക്ക് പേട്ട വാർഡിൽ നിന്ന് മത്സരിക്കും. മുൻ മേയർ കെ ശ്രീകുമാർ ചാക്ക വാർഡിൽ നിന്നാണ് ജനവിധി തേടുക. പാളയം ഏരിയാ സെക്രട്ടറി വഞ്ചിയൂർ ബാബു വഞ്ചിയൂരിൽ മത്സരിക്കും. പുന്നയ്ക്കാമുഗളിൽ ആർ പി ശിവജി പോരിനിറങ്ങും. ഷാജിത നാസറിനെപ്പോലുള്ള സീനിയർ അംഗങ്ങളും പട്ടികയിൽ ഇടംപിടിച്ചിട്ടുണ്ട്. ഗൗരീശപട്ടം വാർഡിൽ നിന്ന് മത്സരിക്കുന്നത് പുതുമുഖം അഡ്വ. പാർവതിയായിരിക്കും.ബിജെപിയയും യുഡിഎഫും നേരത്തെ സ്ഥാനാർത്ഥികളെ പ്രഖ്യാപിച്ചു.ബിജെപി 67 സ്ഥാനാർത്ഥികളെയാണ് പ്രഖ്യാപിച്ചത് .മുപ്പതിലധികം സ്ഥാനാർത്ഥികളെ ബിജെപി ഇനിയും പ്രഖ്യാപിക്കാനുണ്ട്.കോൺഗ്രസിലെ മുഴുവൻ സ്ഥാനാർഥികളെയും ആദ്യം തന്നെ പ്രഖ്യാപിച്ചിരുന്നു.
