കൊച്ചി സിറ്റിയിൽ പരിശോധനകൾ ശക്തമാക്കി പോലീസ്.
കൊച്ചി സിറ്റി പോലീസ് കമ്മീഷണർ ശ്രീ പുട്ട വിമലാദിത്യ IPS ന്റെ നിർദേശപ്രകാരം ഡെപ്യൂട്ടി പോലീസ് കമ്മീഷണർമാരായ അശ്വതി ജിജി IPS, ജുവനപ്പുടി മഹേഷ് IPS എന്നിവരുടെ നേതൃത്വത്തിൽ ഇന്നലെ മുതൽ കൊച്ചി നഗരത്തിൽ വിവിധ ഇടങ്ങളിലായി നടത്തിയ സ്പെഷ്യൽ കോമ്പിങ് ഓപ്പറേഷനിൽ, മയക്കുമരുന്ന് വില്പനയ്ക്കും ഉപയോഗത്തിനുമെതിരെ 33 കേസുകളും, മദ്യപിച്ചു വാഹനം ഓടിച്ചതിന് 144 കേസുകളും,അബ്‌കാരി ആക്ട് പ്രകാരം 31 കേസുകളും, രജിസ്റ്റർ ചെയ്ത് 228 പേർക്കെതിരെ നടപടി സ്വീകരിച്ചു . വരും ദിവസങ്ങളിലും ഇത്തരം ശക്തമായ പരിശോധനകൾ തുടരുമെന്ന് കൊച്ചി സിറ്റി പോലീസ് കമ്മീഷണർ അറിയിച്ചു.
