കേരള സംസ്ഥാന സഹകരണ ജീവനക്കാരുടെ പെൻഷൻ ബോർഡ് മുഖേന പെൻഷൻ വാങ്ങുന്ന പ്രാഥമിക സഹകരണ സംഘം പെൻഷൻകാരും, കേരള ബാങ്ക് പെൻഷൻകാരും , സഹകരണേതര വകുപ്പുകളിലെ സഹകരണ സംഘങ്ങളിൽ നിന്നും വിരമിച്ച പെൻഷൻകാരും, കുടുംബ പെൻഷൻ വാങ്ങുന്നവരും, ആശ്വാസ്-സമാശ്വാസ് പദ്ധതി പ്രകാരം പെൻഷൻ വാങ്ങുന്നവരും, കയർ സ്പെഷ്യൽ സ്കീം പ്രകാരം പെൻഷൻ വാങ്ങുന്നവരും അക്ഷയ കേന്ദ്രം വഴി ബയോമെട്രിക് രീതിയിൽ ഒക്ടോബർ 31 നകം മസ്റ്ററിങ് നടത്തണം.
2025 ജനുവരി മാസത്തിന് മുമ്പ് പെൻഷൻ ലഭിച്ചു തുടങ്ങിയവർക്കാണ് ഇത് ബാധകം.
മസ്റ്ററിങ് നടത്താത്തവർക്ക് 2025 ഡിസംബർ മുതൽ പെൻഷൻ മുടങ്ങുമെന്ന് കേരള സംസ്ഥാന സഹകരണ ജീവനക്കാരുടെ പെൻഷൻ ബോർഡ് അഡീഷണൽ രജിസ്ട്രാർ/സെക്രട്ടറി അറിയിച്ചു.
