സിനിമ നടനും സംവിധായകനുമായ ബാലചന്ത്രമേനോനെ ഭീക്ഷണിപ്പെടുത്തി പണം തട്ടിയെടുക്കാൻ ശ്രമിച്ചതുമായും, സമൂഹ മാധ്യമങ്ങളിലൂടെ വ്യക്തിഹത്യ നടത്തിയതുമായി ബന്ധപ്പെട്ടു കൊച്ചി സിറ്റി സൈബർ ക്രൈം പോലീസ് സ്റ്റേഷനിൽ രജിസ്റ്റർ ചെയ്ത കേസിലെ പ്രതിയായ അഭിഭാഷകനും പഴയ കാല സിനിമ സംവിധായകനുമായ കൊല്ലം കുണ്ടറ സ്വദേശിയും നിലവിൽ ത്യശൂർ അയ്യന്തോൾ എന്ന പ്രദേശത്തു താമസിക്കുകയായിരുന്ന അഡ്വ സംഗീത് ലൂയിസ് ( 46 ) നെ കൊച്ചി സിറ്റി സൈബർ പോലീസ് അറസ്റ്റ് ചെയ്തു.
നിരവധി കേസുകളിൽ പ്രതിയായ സംഗീതിനെ ദിവസങ്ങളോളം സൂക്ഷ്മ നിരീക്ഷണം നടത്തിയാണ് സൈബർ ക്രൈം പോലീസ് അതിസാഹസികമായി ഇന്നു വെളുപ്പിനു അറസ്റ്റ് ചെയ്തത്. കഴിഞ്ഞ വർഷം സെപ്റ്റംബിറാലാണ് കേസിനാസ്പദമായി സംഭവം നടക്കുന്നത്.
2023 ൽ കുണ്ടറ പോലീസ് KAAPA പ്രകാരം പ്രതിയെ റൗഡി ആയി പ്രഖ്യാപിച്ച കരുതൽ തടങ്കൽ പാർപ്പിച്ചിരുന്നതാണ്. ഈ കേസിലെ ഒന്നാം പ്രതിയായ നടി മിനു മുനീറിനെ കൊച്ചി സിറ്റി സൈബർ ക്രൈം പോലീസ് നേരത്തെ അറസ്റ്റ് ചെയ്തിരുന്നു .
കൊച്ചി സിറ്റി പോലീസ് കമ്മിഷണർ ശ്രീ വിമലാദിത്യ IPS ന്റെ നിർദ്ദേശാനുസരണം ബഹു കൊച്ചി സിറ്റി ഡി സി പി-2 ശ്രീ. ജുവനപുടി മഹേഷിൻറെ നേതൃത്വത്തിൽ സൈബർ ക്രൈം പോലീസ് സ്റ്റേഷൻ അസിസ്റ്റൻറ് കമ്മീഷണർ സുൽഫീക്കർ എസ് ന്റെ മേൽനോട്ടത്തിൽ സൈബർ ക്രൈം പോലീസ് സ്റ്റേഷൻ ഇൻസ്പെക്ടർ ഷമീർഖാൻ പി എ. ASI മാരായ ഗിരീഷ് കുമാർ, ശ്യാം കുമാർ, SCPO മാരായ നിഖിൽ ജോർജ്, അജിത് ബാലചന്ദ്രൻ, CPO മാരായ ഷറഫുദ്ദീൻ പി എസ്. ആൽഫിറ്റ് ആൻഡ്രൂസ് എന്നിവരാണ് പ്രതിയെ തൃശ്ശൂർ അയ്യന്തോളിൽ നിന്നും പിടികൂടിയത്.
