വഖഫ് ബില്ലിലെ ചില വ്യവസ്ഥകളോട് യോജിക്കുന്നുവെന്ന് ഇടതുപക്ഷ ജാനാധിപത്യ മുന്നണി നേതാവും കേരള കോൺഗ്രസ് (എം) ചെയർമാനുമായ ജോസ് കെ മാണി. മുനമ്പത്തെ മുൻനിർത്തിയാണ് വഖഫ് ബില്ലിലെ ചില വ്യവസ്ഥകളെ അംഗീകരിക്കുന്നതെന്ന് രാജ്യ സഭ അംഗം കൂടിയായ ജോസ് കെ മാണി പറഞ്ഞു. എങ്കിലും മുന്നണിയുടെ പൊതു തീരുമാനത്തോടൊപ്പം നിന്ന് ബില്ലിനെ അദ്ദേഹം എതിർത്ത് വോട്ടു ചെയ്യും എന്നാണ് കരുതപ്പെടുന്നത്
വഖഫ് ബോർഡിലും ട്രിബ്യൂണലിലും നീതി കിട്ടിയില്ലെങ്കിൽ കോടതിയിൽ പോകാമെന്ന വ്യവസ്ഥയെ സ്വാഗതം ചെയ്യുന്നുവെന്നും അദ്ദേഹം പറഞ്ഞു. ആ വ്യവസ്ഥ മുനമ്പത്തിന് പ്രതീക്ഷ നൽകുന്നതാണ്. അതേസമയം അമുസ്ലീം അംഗത്തെ കൗൺസിലിൽ ഉൾപ്പെടുത്തിയതിനെ അംഗീകരിക്കാനാവില്ലെന്നും ജോസ് കെ മാണി പറഞ്ഞു.
