കേരളത്തിന്‍റെ ചരിത്രത്തില്‍ ഏറ്റവും ദുരൂഹമായ കൊലപാതകങ്ങൾ തെളിയിച്ച കേരള പൊലീസിന് ഗ്രീൻ കേരള ന്യൂസിന്റെ അഭിനന്ദനങ്ങൾ.

4998

കൊച്ചി:കേരളത്തിന്‍റെ ചരിത്രത്തില്‍ ഏറ്റവും ദുരൂഹമായ കൊലപാതകങ്ങളാണ് കേരളാ പോലീസിന്‍റെ അന്വേഷണത്തിന്‍റെ ഫലമായി ചുരുളഴിഞ്ഞത്. സാഹചര്യ തെളിവുകളും ശാസ്ത്രീയ മികവും മാത്രം കൈമുതലാക്കി മികച്ച ബുദ്ധി വൈഭവത്തിന്‍റെ അകമ്പടിയോടെ കേരളാ പോലീസ് നടത്തിയ അന്വേഷണത്തെ തുടര്‍ന്നാണ് ഈ ഹീന കൃത്യത്തിനു പിന്നില്‍ പ്രവര്‍ത്തിച്ചവര്‍ പിടിയിലായത്. ഊണും ഉറക്കവും ഉപേക്ഷിച്ച് ഈ കേസ് തെളിയിക്കുന്നതിനായി പ്രയത്നിച്ച കോഴിക്കോട് റൂറല്‍ ജില്ലാ പോലീസ് മേധാവി കെ ജി സൈമണ്‍ ഐ പി എസ്, കോഴിക്കോട് റൂറല്‍ അഡീഷണല്‍ എസ് പി സുബ്രഹ്മണ്യന്‍ റ്റി.കെ, ജില്ലാ ക്രൈം ബ്രാഞ്ച് ഡി വൈ എസ് പി ഹരിദാസന്‍.ആര്‍ എന്നിവരെയും അവരോടൊപ്പം പ്രവര്‍ത്തിച്ച മറ്റു പോലീസ്, ഫോറന്‍സിക് ഉദ്യോഗസ്ഥരെയും ഹാര്‍ദ്ദമായി അഭിനന്ദിക്കുന്നു. കുറ്റാന്വേഷണ മികവില്‍ കേരളാ പോലീസ് മറ്റേതൊരു സേനയുടെയും പിന്നിലല്ലെന്ന് ഈ സംഭവം വീണ്ടും തെളിയിച്ചിരിക്കുകയാണ്. അന്വേഷണത്തില്‍ ഭാഗഭാക്കായ എല്ലാ പോലീസ് ഉദ്യോഗസ്ഥര്‍ക്കും ഗ്രീൻ കേരള ന്യൂസിന്റെ അഭിനന്ദനങ്ങൾ.